Naipaayan dagiti tallo a grupo iti permit nga agprotesta kabayatan ti maikalima nga State of the Nation Address (SONA) ni President Ferdinand Marcos Jr. intun Lunes, July 27, 2026.
Idaulwan daytoy ti progresibo a grupo a Bayan no sadino, naipaayanda iti rally permit manipud 7:00 a.m. agingga 5:00 p.m.
Maikadua ti grupo a Better Brighter, nga addaan iti rally permit iti 9:00 a.m. agingga 7:00 p.m.
Mabalin a mangisayangkat ti nadakamat a grupo iti kilos-protesta a mangrugi iti Commonwealth Avenue agingga iti Sandiganbayan.
Naipaayan metlaeng ti permit ti grupo a Sanlakas a mangrugi iti 1:00 PM iti nasao nga aldaw.
Iti agdama, awan paylaeng ti dadduma a grupo a naikkan iti rally permit, ngem saan nga ilaksid ti Philippine National Police (PNP) ti posibilidad a mabalin nga agprotesta dagiti dadduma kadagiti naituding a public rally areas wenno “freedom parks” iti uneg ti National Capital Region.
