Inyuswaten ti Naismith Basketball Hall of Fame idi kalman ti special exhibit para kenni Golden State Warriors star Stephen Curry. Naawagan ti nasao nga exhibit kas “Stephen Curry: Beyond the Arc.”
Daytoy ti kaunaan a gundaway a nangipaay ti Hall of Fame iti pammabigbig iti maysa nga aktibo nga NBA Player babaen iti bukodna nga eksibit.
Mataltalantan iti nasao nga eksibit ti nagbalin a karera ni Curry kas basketball icon, negosyante, pilantropo, ken pamilya.
Sigun met kenni two-time NBA MVP ken four-time champion Stephen Curry, dakkel a dayaw kenkuana ti maibinglayna ti bukodna nga istorya bayat iti panagtultuloy ti karerana iti liga.
Iti agdama, awan pay laeng ti inyanunsyo ti Naismith Basketball Hall of Fame a petsa nu kaano nga agpatingga ti nasao nga exhibit. //bombokaren.c.sapirao
