Nangiyuswat iti dakkel nga operasion iti West Bank ti militar ti Israel,kalpasan a napapatay ti uppat a Palestinians ken dua nga Israeli sadiay.
Sigun iti militar, simrek ti maysa a grupo dagiti Israeli settlers iti maysa a lugar ti West Bank.
Bayat nga umas-asideg dagitoy iti Palestinian village, napasamak ti rinnupak iti nagbaetan dagiti Israeli settlers ken dagiti residente iti nasao a purok ti West Bank.
Gapu iti nasao nga insidente, uppat a Palestinians ken dua a soldado ti Israel ti pimmusay .
Kabayatanna, kiniddaw ni Far-right Finance Minister Bezalel Smotrich ti pannakarebba dagiti Palestinian villages iti lugar kas sungbat kadagiti Israeli a napapatay.
Sigun met iti Palestinian Ministry of Health, dagiti uppat a Palestinians a napapatay ket pinaltogan dagiti soldado ti Israel.
