Nangisayangkat ti Partido Demokratiko Pilipino (PDP) Laban iti National Assembly sadiay Matina, Davao City idi Sabado, July 25, 2026.
Dinar-ayan daytoy dagiti political personalities a pakairamanan ni Senator Bong Go, Davao Mayor Sebastian “Baste” Duterte, sigud a Presidential spokesperson Salvador Panelo, Atty. Jimmy Bondoc, ken ti aktor a ni Philip Salvador.
Iti panagbitla ni Davao Mayor ken PDP Laban national president Sebastian “Baste” Duterte, kinunana a maysa laeng daytoy nga instrumento ken awan ti personal nga ambision daytoy.
Innayonna nga adda daytoy tapno pagtignayenna ti pagilian.
Kabayatanna, binabalaw ni Duterte ti agdama nga adminisrasyon gapu iti maatap a pannakaipangpangruna ti impeachment trial ti kabsatna a ni Vice President Sara Duterte, imbes a ti imbestigasyon ti maatap a naanomalyaan a flood control projects iti pagilian.
