Nagkiddaw iti despinsar ti kolumnista a ni Ramon Tulfo gapu iti inwaragawag daytoy a limed a rumrumuar iti pagbaludan ni Leyte Representative ken sigud a House Speacker Martin Romualdez.
Iti social media post daytoy iti Huebes, naklun ni Tulfo a palso nga impormasyon ti naawatna.
Innaklunna pay nga “embarrassing and humiliating” ti inaramidna.
Maipalagip nga idi Martes, impablaak ni Tulfo ti impormasyon seknan iti maatap a panaggikkat ni Romualdez iti Quezon City Jail-Male Dormitory.
Sigun ti informant a saan a nainaganan, id-iddepen ni Quezon City Jail-Male Dormitory Superintendent Maria Lourdes Pacion ti suplay ti koriente iti pasilidad tunggal rummuar ken agsubli ni Romualdez tapno saan a maala iti CCTV camera.
Gapu iti dayta, nangisayangkat ti Bureau of Jail Management and Penology (BJMP) iti imbestigasyon.
Iti panagdengngeg ti anti-graft court ita a Huebes, impaganetget ni Pacion a saan a rumrummuar iti pagbaludan ni Romualdez.
Nakabalud ni Romualdez gapu iti sangsangwen daytoy a kaso seknan iti maatap a pangawatna iti menal-maleta a kuarta manipud kadagti ghost flood control projects iti pagilian.//
