Nangiruwar ni sigud a House Speaker Martin Romualduez ti opisyal nga statement na seknan iti inwaragawag ni President Ferdinand Marcos, Jr. iti maika-lima a State of the Nation Address daytoy ita nga aldaw.
Maipalagip nga iti panangirugi ni President Ferdinand Marcos, Jr. iti bitla na, inwaragawagna a kinuna ti Office of the Ombudsman a dandanin ti pannangipilada iti kaso kontra kenni sigud a House Speaker Martin Romualdez.
Daytoy ket adda pakainaiganna iti inkari ni President Marcos, Jr. idi napalabas a SONA na a maibestigaran ti flood control scandal iti pagilian a Pilipinas.
Sigun iti statement ni Romualdez, nasakit man para kenkuana ken iti pamilyana , impettengna a raraemenna ti insawang ni President Marcos, Jr., Nupay kasta, inkalinteganna nga awan ti inaramidna a nanglabsing iti linteg ken nakasagana daytoy a mangpaneknek.
Maipalagip a kagidan iti panangiwaragawag ti presidente iti panangipila iti kaso kontra kenni Romualdez,inyunay-unayna a saan daytoy a presidente dagiti kabagyan ken gagayemna gapu ta presidente daytoy ti pagilian a Pilipinas. //bombokaren.c.sapirao
