Pinagduduaan ti abogado ni sigud a House Speaker Martin Romualdez ni Rodante Orbillo maipapan iti maipagarup a biddut iti joint affidavit ti 18 kadagiti sigud a bodyguard ti Zaldy Co.
Kabayatan ti panagdengngeg iti petision ni Romualdez para iti piyansa, inaklun ni Orbillo nga ammona ti statement nga inaramid ni Atty. Levito Baligod mainaig kadagiti biddut iti affidavit, pakairamanan ti pannakairaman da Senador Loren Legarda ken Rep. Leila de Lima.
Pinagduaduaan pay ti depensa ti panangibabawi ti sumagmamano a maipagarup a whistleblower kadagiti immun-una nga statement dagitoy kontra kenni Romualdez.
Maipalagip nga immuna a kinuna ni Orbillo nga intulodna ti nakamaleta a kuarta kenni Romualdez iti agarup 10 a daras iti baet a maatap nga awan ti sigud nga speaker iti daydi a gundaway.
Impetteng ni Orbillo a nagtestigo daytoy tapno maibutaktak ti kinapudno mainaig iti mapapati a korapsion kadagiti flood control projects iti pagilian.
