Inawagan ni President Ferdinand Marcos Jr. ti Kongreso a mangisubmitir iti linteg a mangipaay iti nangatngato a tax exemptions para kadagiti indibidual ken mangikkat iti corporate income tax para kadagiti babassit a negosio.
Iti maikalima nga State of the Nation Address (SONA), impaganetget ti Presidente ti kinapateg dagiti tax relief measures tapno masigurado ti agtultuloy a panagrang-ay ti middle class iti baet ti epekto ti krisis.
Sigun kenni President Marcos Jr., dagitoy a reporma ket mangiturong iti dakdakkel a panagdur-as, pamasrekan, ken equity advancement para iti napaut a socio-economic sustainability.
Indagadag pay ti Presidente iti Kongreso a mangipasa iti linteg a mangipaay iti income tax exemption kadagiti trabahador a saan a nasursurok ngem P350,000 ti tinawen a sueldoda, karaman ti pannakabalbaliw dagiti dadduma nga income brackets.
Malaksid iti dayta, insingasing ni Marcos Jr. a saanen a maipabaklay ti minimum corporate income tax kadagiti babassit a negosio.
Immapela metlaeng a maipaayan iti tax amnesty dagiti saan a nagbayad iti income tax, estate tax, donor tax, ken value-added tax (VAT).
