Dinayyeg ti magnitude 7.1 a ginggined iti Kumamoto Prefectures sadiay Japan ita a malem, July 28, 2026.
Nangitunda daytoy iti pannakadangran ti 50 nga indibidual, uram, pannakadadael dagiti sumagmamano a pasdek ken kalsada.
Sigun kenni Prime Minister Sanae Takaichi, napasamak ti ginggined iti 4:27 p.m, local time ti Kumamoto Prefecture iti Kyushu island.
Kabayatanna, nailista ti pito nga uram iti Kumamoto City bayat a dumanon iti 12 dagiti report seknan iti narba a pagtaengan.
Sigun iti Kumamoto Prefecture police, na-trapped ti uppat nga indibidual kalpasan ti nasao nga insidente.
Manarimaanen ti emergency relief nga ipatpatungpal dagiti otoridad bayat a matamtaming iti ospital dagiti 50 a nadangran.
Iti agdama, inikkat ti Japan Meteorological Agency dagiti balakadna maipapan iti tsunami, pasado 6:10 p.m.
Iti social media post, kinuna ni Prime Minister Sanae Takaichi nga imbilinna kadagiti opisial a partakanda a sukimaten dagiti pannakadadael ken ipaayda ti dagus a tulong kadagiti umili a naapektaran.
