Inaprobaran ti parlamento ti Myanmar ti baru nga “Anti-Online Scam Law” a mangipalubos iti death penalty kadagiti indibidual a mangpilit kadagiti biktima nga agtrabaho kadagiti online scam center.
Malaksid iti dayta, mangipaay metlaeng ti legislation iti tungpal biag a pannakaibalud kadagiti indibidual a mangorganisar kadagiti cryptocurrency scams.
Puntiria ti nasao a linteg dagiti indibidual nga adda pakainaiganda iti torture, saan a nainkalintegan a panangibalud ken dadduma pay nga abusado nga aramid a mangpilit kadagiti biktima nga agaramid iti online scam.
Naaprobaran ti nasao linteg kalpasan a nagraira sadiay Myanmar ti internet scam compounds no sadino, naipadamag ti sumagmamano a foreign nationals a naabuso ken napilit nga agtrabaho iti online scams.
Sigun kenni parlament speaker Aung Lin Dwe, impasa dagiti mamanday linteg ti Myanmar ti “Anti-Online Scam Bill” iti joint session ti parlamento idi Martes, July 28, 2026.
