--Ads--
Impetteng ni sigud a Commission on Audit (COA) auditor a ni Atty. Roderick Wamil nga awan ti probision iti Joint Circular No. 2015-01 a mangipawil iti panagaramat iti aliases wenno codenames dagiti umaw-awat iti confidential funds.
Iti panagdengngeg iti impeachment trial ni Vice President Sara Duterte, inlawlawag ni Wamil a nakapokus ti COA iti panagtulnog kadagiti naikeddeng iti joint circular ken awan ti addang tapno maamuan nu alias wenno pudno a nagan ti nakadatag kadagiti dokumento.
Rimmuar ti isyu kalpasan a nadakamat dagiti nagan a kas iti “Mary Grace Piattos” ken dadduma pay nga acknowledgment receipts iti P125 milyon a confidential funds iti Office of the Vice President idi Disyembre 2022.
