Nagballaag ti Mines and Geosciences Bureau (MGB) kalpasan a ngimmato iti agarup 9,096 a barangay iti Pilipinas ti agpegpeggad iti panagregaay ken panaglayus.
Resulta daytoy ti agtultuloy a panagtudtudo nga ituntunda ti Habagat ken bagyo a Maymay.
Mabasar iti datos ti MGB, dumanon iti 2,933 a barangay sadiay Ilocos Region ti apektado; 47 a barangay sadiay Cagayan Valley;1,997 a barangay iti Central Luzon; 1,806 a barangay iti Calabarzon; 1,403 a barangay iti National Capital Region (NCR); 707 a barangay iti rehion Cordillera ken Mimaropa a dumanon iti 113 a barangay.
Maipalpalagip metlaeng iti publiko a dagus nga ipakaammo kadagiti lokal nga otoridad dagiti senyales ti panagreggaay ti daga, bettak iti kalsada ken panagngato ti libel ti danum kadagiti karayan.
Maibalbalakad metlaeng iti publiko nga agdengngeg kadagiti LGUs, nangruna no maipatungpal ti preemptive evacuation kadagiti kabambantayan ken dadduma pay a lugar iti pagilian.
