Dinayyeg iti maysa a ginggined nga addaan iti magnitude 7.7 ti daya a paset iti baybay iti Indonesia, ita nga aldaw, sigun iti geophysics agency iti pagilian.
Nairekord met iti tsunami a maysa a metro kadagiti sumagmamano a lugar sadiay kalpasan iti panagdayyeg.
Sigun kenni Dodi Yuleova, pannakangiwat iti national disaster mitigation agency, nagtaray paruar kadagiti babbalayda dagiti residente idi nariknada iti ginggined a bimmayag iti agarup maysa minuto iti rehiyon iti Nagekeo ken Bima.
Nupay nangipaay iti buteng iti nasao a ginggined kadagiti residente, awan met ti nairekord a nakaro a pannakadadael kadagiti imprastraktura.
Kabayatanna, nairekord met iti sumagmamano a pannakatinnag iti parte iti pasdek sadiay Flores Island no sadino nangipaay iti panagbuteng kadagiti tattao sadiay.
Kabayatanna, imbinglay met iti tsunami warning center iti Australia nga awan iti pangta iti tsunami kadagiti lugar iti mainland dagitoy, kadagiti isla, wenno teritoryo gapu iti nasao a ginggined.//
