Manamnama nga agturong iti Malacañang ti ginasgasut a Cordillerans tapno kiddawen kenni President Ferdinand Marcos Jr. ti nalawag a suporta iti panangisakad manen iti Cordillera Autonomous Region.
Sigun kenni Baguio City Congressman Mauricio Domogan, kayat iti delegasion nga ipakita iti presidente ti panagkaykaysa dagiti lokal nga opisial, mammanday-linteg, line agencies ken civil society groups para iti regional autonomy.
Panggepda metlaeng a lawlawagan dagiti saan nga umno nga impormasion seknan iti autonomy ken ilawlawag dagiti benepisio daytoy iti rehion.
Idi Disiembre, impila iti pito a Cordillera congressmen ken dua a party-list lawmakers ti House Bill 6981, a panggepna nga ibangon ti Cordillera Autonomous Region kas maitunos iti 1987 Constitution.
Immunan a dua nga autonomy plebiscite ti napaay a maipasa idi tawen 1990 ken 1998.
