--Ads--
Ad-adalen iti Department of Agriculture dagiti wagas tapno matulongan dagiti vegetable farmers iti Benguet a makabangon kalpasan a nadadael ken nasayang dagiti apitda gapu iti panagtudtudona.
Imbilin ni Agriculture Secretary Francisco Tiu Laurel Jr. iti Department of Agriculture-Cordillera a sukimaten ti kasasaad ken mangipaay iti kasapulan a tulong kadagiti mannalon.
Dumanon iti 5,800 a kilo iti repolio ken carrots ti nasayang gapu iti saan a nasayaat a paniempo, atidog a pila ken ken dadduma pay kadagiti trading center.
Karaman ditoy ti repolio manipod Bakun ken carrots manipod Buguias a saan a nailako ken naibelleng kalpasan a nadadael gapu iti pannakaitantan iti panangibiahe ken panangilako.
