Nagkiddaw ti Department of Education (DepEd) iti pondo a maaramat para iti kinatalged dagiti pagadalan ken panangsalaknib kadagiti estudiante.
Daytoy ket kagiddan ti deliberasion iti naisingasing a P7.2-trillion a national budget para iti 2027.
Sigun kenni Education Secretary Sonny Angara, makikoordinar ti DepEd kadagiti legislators tapno maaramid ti budget line item ken masigurado a maaramat ti pondo para iti proteksion dagiti estudiante, mannursuro ken personnels ti pagadalan.
Iti agdama, saan paylaeng nga impakaammo ti ahensia no mano ti kidkiddawenna a pondo.
Maaramat daytoy para iti vital physical security assets, support roles, pakairamanan ti security guards, school counselor associates, closed-circuit television systems ken dadduma pay.
