Kinidaw ni Presiding Officer Francis “Chiz” Escudero iti depensa a palagipanda ti kliyenteda wenno ni Vice President Sara Duterte iti kalepleppas a sub judice gapu ta saklaw metlaeng daytoy ti nasao nga opisyal.
Kasaruno daytoy iti panangdakamat ni lead prosecutor Gerville Luistro a nangi-issue ti bise presidente iti statement no sadino kinondenarna ti mapapati a ‘name-calling’ wenno panangbirbirngas kabayatan iti panangibasa ti presiding officer iti ruling daytoy.
Malaksid iti dayta, nailanad metlaeng iti nasao nga statement a rumbeng a mapaneknekan dagiti akusasyon kenkuana babaen kadagiti ebidensya saan a baben kadagiti pananginsulto, spekulasyon ken political theatrics.
Gapu iti daytoy, nagpallagip ni presiding officer Escudero a sumurot daytoy iti linteg ti impeachment court partikular iti Article or Rule 18 wenno panagkomento seknan iti mannarimaan a trial.
Nupay kasta, kinuna ni Escudero a gapu ta inarami daytoy ti bise presidente kabayatan iti panangaramidna iti ruling, maiyaplikar ti prospectivity iti bise presidente.
Inawat met daytoy ni lead counsel Atty. Sheila Sison.
Maipalagip nga iti ruling nga inaramid ni Presiding Officer Chiz Escudero, nadakamat ti panangliklik ti depensa ken prosekusyon iti panagkomento iti merits iti impeachment case kontra iti bise presidente kas maitunos iti Article 18 ti Rules on Impeachment.
BUYAEN ti pannarita ni Presiding Officer Chiz Escudero:
