Nangipatungpal ti Department of Social Welfare and Development Field Office-Cordillera iti on-site monitoring ken validation kasaruno iti napasamak a soil erosion idiay Sitio Tolibeng, Barangay Loacan.
Daytoy ket tapno kitaenda dagiti kasapulan dagiti pamilya nga apektado ken dagiti nadadael a pagtaengan dagitoy.
Kagidan dayta, nangipaay ti nasao nga ahensya iti agarup 48 Family Food Packs (FFPs), 60 Ready-to-Eat Food (RTEF) packs, 80 drinking water, 16 hygiene kits, 16 sleeping kits, ken 6 kitchen kits para iti kangrunaan a kasapulan dagiti apektado.
Kabayatanna, adda metlaeng dagiti pagtaengan iti nasao a lugar a binigbig dagiti otoridad ken DSWD a delikado gapu iti posibilidad ti soil erosion.
Gapu iti daytoy, naisagana dagiti pamilya nga adda iti high-risk area para iti panagbakwitda.
Agtultuloy met ti monitoring ken assessment ti nasao nga ahensya bayat a maipatpatungpal ti panangisagana dagiti kanayunan nga assistance para kadagiti pamilya a kasapulan nga agbakwit gapu iti napasamak nga insidente.
