Agarup 29 a pamilya idiay Barangay Loacan, Itogon, Benguet ti kinasapulanda nga agbakwit gapu iti epekto ti habagat.
Iti pannakiuman ti Bombo Radyo kenni Franklin Smith, Punong Baranggay ti Loacan, Itogon, kinunana a manipud iti bilang a 29, 23 ti manipud idiay Sitio Tolibeng kasaruno iti napasamak nga soil erosion bayat a ti 7 ket manipud met iti Sitio Loacan Proper.
Maipapan iti nasao a soil erosion, imbinglay ni Smith a tallo a babbalay ti entiramente a nagaburan bayat a dua met ti partially damaged.
Innayonna nga agarup 43 nga indibidual ti naapektaran gapu iti napasamak pakiaramanan ti dua a senior citizen, dose a menor-de-edad, ken maysa a masikog.
Nupay kasta, awan met ti nadangran iti nasao nga insidente.
Imbinglayna met a binisita dagiti maseknan nga opisina kadua ni Mayor Bernard Waclin, pakairamanan ti representative manipud ti maysa a housing company iti makin-ngato a paset ti nakapasamakan ti soil erosion ti mismo a site tapno iinspect daytoy.
Iti agdama, adda dagiti apektado a pamilya iti pagtaengan dagiti kabagyanda tapno dituyda pay laeng a makitaeng. Dagiti met apektado a pamilya idiay Loacan Proper ket agtaltalinaed iti Loacan National High School.
Kabayatanna, imbinglay ni Smith nga adda metlaeng dagiti pakaseknan dagiti umili iti makinbaba a paset ti nakapasamakan ti soil erosion partikular iti Sitio ti Labilab no sadino tunggal panagtutudo gapu ta maiyanod dagiti batbato ken pitak kadagiti kalsada.
Iti baet dayta, impeksana a nakasaganada ti barangay officials tapno agresponde iti kanito nga adda dagiti mapasamak nga emerhensya iti nasao a barangay.
Nagballakad metlaeng ti nasao nga opisyal kadagit minero a saanda pay laeng nga umintra kadagiti usokda tapno maliklikan ti saan a nasayaat a pasamak gapu pay laeng iti agtultuloy a panagtudtudona.
Pinagyamananna met amin dagiti kakaduana nga opisyales gapu iti serbisyo dagitoy.
Iti agdama, agtultuloy ti panagbantay ti barangay ken otoridad kadagiti luglugar iti nasao a barangay nangnangruna kadagiti naririsgo a luglugar.
ADTOY TI PASET TI PANNARITA NI FRANKLIN SMITH, PUNONG BARANGGAY TI LOACAN, ITOGON:
