--Ads--
Posible a maipaay kadagiti dadduma a vice chairman ti Senate Finance Committee dagiti ahensiya nga addama nga inggem ni Senator Loren Legarda.
Maipatungpal daytoy no saan a makaatender ti Senadora kadagiti hearing para iti naisingasing a 2027 national budget.
Sigun kenni committee on finance chairperson Senator JV Ejercito, agtaltalinaed ni Legarda iti posisyonna.
Napakaammuan metten kadagiti ahensya nga iggemanna a pakairamanan dagiti ahensiya nga adda pakainaiganna iti kultura, pakasaritaan, ken aglawlaw.
Innayun ni Ejercito a makikoordinar nga umuna kenni Legarda, maipapan iti kabaelanna a dumar-ay kadagiti hearing.
Maipalagip nga immuna a nag-file ti Senadora iti medical leave idi Agosto 3 agingga a nag-extend daytoy.
