CAPE VERDE – Pimmusay ti agarup 25 nga ubbing ken agtutubo gapu iti aksidente ti bus sadiay Fogo Island, pagilian a Cape Verde idi Sabado, Setiembre 05, 2026.
Sigun iti dadaulo ti civil protection for Sao Filipe city a ni Jose Canuto, nadangran metlaeng ti sumagmamano nga indibidual gapu iti nasao nga aksidente.
Iti inisyal nga imbestigasyon, pasubli ti bus manipud iti outing dagiti estudiante manipud iti Pico do Fogo volcanic crater idi natnag daytoy iti 30 meters ti kaunegna a rangkis.
Karaman kadagiti pimmusay ti driver a nang-organisar iti nasao nga aktibidad.
Impetteng dagiti otoridad a manmano ti nasao nga aksidente iti west African archipelago agsipudta nasayaat ti kondisyon dagiti kalsada sadiay.
Iti agdama, manarimaan paylaeng ti imbestigason dagiti otoridad iti napasamak nga insidente.
