Nauram ti maysa a naabandona nga imprastraktura idiay Purok 6, Dominican -Mirador, Baguio City iti pasado alas-2 iti malem.
Iti pannakiuman iti Bombo Radyo Baguio Newsteam iti maysa kadagiti kadagiti barangay official, kinunana a ti nasao nga imprastruktura ket ti nagtambakan kadagiti basura iti construction materials.
Posible nga adda ti nangpuor wenno nangipurwak iti upos ti sigarilio. Naduktalan nga awan met ti linia iti kuryente ken saan a kusina daytoy.
Dagos met a nagresponde dagiti kameng iti Baguio City – Bureau of Fire Protection, Baguio City Police Office Station 1, City Disaster Risk Reduction Management Council, Brgy Officials ken daduma pay nga opisina wenno ahensia.
Manarimaan paylaeng ti imbestigasion seknan iti napasamak nga uram.
Kabayatanna, daytoy ti maikadua a gundaway nga adda ti napasamak nga uram ita a lawas.
