--Ads--
Impaganetget iti financial services industry a masapol a nga ikonsidera dagiti nagduduma a business models ken cost structures dagiti bangko ken e-wallets.
Numan itantandudo ti Bangko Sentral ng Pilipinas (BSP) ti nalaklaka a digital payments, sigun iti industria, nasaysayaat ti posision dagiti dadakkel a banko a mangi-subsidize ti payment services gapu ta makapataudda iti kita manipud iti nadumaduma a produkto kas iti loans, deposits, investments, credit cards ken dadduma pay a serbisio ti banko.
Kabayaanna, nakasentro dagiti e-wallet ken dadduma pay a payment providers ti digital payments ken financial inclusion ket gapu ta limitado ti kitada, masapul a saklawen dagitoy dagiti gastos a mainaig iti cybersecurity, fraud prevention, regulatory compliance, customer support, technology infrastructure, ken merchant networks.
Napateg met laeng ti papeli iti e-wallets iti panagpalawa iti financial inclusion. Maibasar iti BSP-commissioned survey, 58% iti Filipino adults ket addaan iti formal financial account bayat a 43% ti addaan iti e-money account, ken 21% ti addaan iti bank account.
Gapu iti daytoy, impeksa iti industria a masapol iti holistic review iti buo a payments ecosystem, karaman ti wholesale rail pricing, network costs, interchange arrangements ken dadduma pay a gastos.
Kamaudiananna, ti panggep iti industria ken iti BSP ket mangipasdek iti sistema ti panagbayad a makabael kadagiti konsumer, sustainable para kadagiti providers, competitive iti merkado, ken inclusive kadagiti amin a Pilipino.//
