--Ads--
Imbutaktak ni Atty. Karen Batu, officer-in-charge ti Central Records Division nga indeklara ni Vice President Sara Duterte dagiti negosyo daytoy iti Statements of Assets, Liabilities and Net Worth (SALN) ngem awan ti indeklarana a shares of stock wenno capital.
Daytoy ti kinuna ni Atty. Batu iti impeachment trial mainaig iti Article II wenno unexplained wealth ti bise presidente.
Karaman kadagiti negosio a nailista iti SALN ni Duterte ket ti Davao Emerging Taipan Corp., Davao Bounty Times Food Corp., ken City Hall King Chow Foods Corp., a nakailasinanna kas stockholder.
Nupay kasta, kinuna ni Batu nga awan ti naideklara a paunan iti 2007 SALN daytoy.
