Inwaragawag ni Philippine Ambassador to the US Jose Manuel Romualdez a saan paylaeng a pagsaritaan da President Ferdinand Marcos Jr. ken US President Donald Trump ti US-led Pax Silica initiative iti 2026 ASEAN Summit.
Sigun kenni Philippine Ambassador to the US Romualdez, impaayan ti Amerika ti Pilipinas iti gundaway nga adalen dagiti detalye, kondision, ken sakup ti katulagan.
Impetteng met ni President Marcos Jr., a masapul a nalawag ken transparent ti proseso sakbay nga umanamong ti pagilian iti daytoy.
Kabayatanna, nangipila ti Kamara iti gakat tapno maipasdek ti economic zone a naipamaysa iti advanced technology ken manufacturing iti sidong ti nasao nga inisiatiba.
Kas kasukat ti insentiba, kasapulan a mangipaay iti trabaho, panagsanay, ken technology transfer kadagiti Pilipino dagiti kompania nga agpuonan.
Nupay kasta, addu nga indibidual, organisasyon, ken grupo ti nangiyuswat iti tignay protesta kontra iti Pax Silica.
Daytoy ket gapu iti panagbutengda a mabalin a mapaikkat dagiti katutubo manipud iti tawid dagitoy a daga ken dadduma pay a rason.











