Impeksa ti Department of Education nga agtultuloy dagiti programada kadagiti pagadalan iti Rehiyon maipapan iti bullying.
Kagidan dayta, nangipaay ti report ti nasao nga ahensya seknan iti bullying iti rehiyon iti naglabas a tallo nga school year.
Iti siudad ti Baguio, nailista ti 14 bullying cases ken 14 child abuse cases idi School Year 2025-2026. Para iti agdama nga School Year, nakailistan ti nasao a siudad iti 10 bullying cases ken 7 a kaso ti child abuse.
Iti met probinsya ti Benguet, nailista ti 25 kaso ti bullying ken 12 a kaso ti child abuse idi napalabas nga school year bayat a dua a bullying case ken tallo a kaso ti child abuse ti nailista ti nasao nga ahensya iti agdama nga School year.
Idiay Probinsya ti Mountain Province, nairekord ti 9 a kaso ti bullying ken uppat a kaso ti child abuse idi napalabas nga school year.
Nailista met ti wallo a bullying case ken dua a child abuse case idi napalabas nga school year idiay Kalinga bayat nga iti siudad ti Tabuk, addaanda iti maysa a bullying case iti napalabas a tawen ken maysa a bullying case ita a tawen.
Iti probinsya ti Abra, dua laeng ti nailista dagitoy a child abuse iti School Year 2025-2026. Dua met ti nailista idiay Apayao a kaso ti child abuse para iti mannarimaan nga School Year.
Maysa a bullying case ti nailista idiay Ifugao iti SY 2025-2026 ken maysa a child abuse iti SY 2026-2027.
Agtultuloy latta dagiti maipatpatungpal a programa tapno maadressan ti nasao nga issue kadagiti nagduduma a pagadalan iti rehiyon. //via Bombo Noveh Organo
