Nangipaay iti tulong ti Department of Social Welfare and Development – Field Office Cordillera Administrative Region kadagiti apektado a pamilya iti napasamak a vehicular accident idi kalman sadiay Talubin-Barlig Road, Mountain Province.
Imuna a naipaay iti P30,000 a cash relief assistance iti tallo a pamilya bayat a naipaay ti P5,000 kadagiti pamilya nga adda iti pagagasan para iti food assistance.
Nangisayangkat metlaeng ti nasao nga ahensya iti Psychological First Aid (PFA) kadagiti biktima.
Iti agdama, agtultuloy ti pangala iti ahensya iti beripikado nga impormasion tapno makaipaay da pay iti kanayonan a tulong kadagiti pamilya.
Maipalagip a napasamak ti nasao nga insidente sadiay Mountain Province a nangitunda iti ipupusay iti innem ken pannakadangran iti 17 nga indibidual.| via Bombo Khey Reparip
