Mairekreklamo ti presidente ken treasurer ti Parent -Teacher Association (PTA ) iti maysa kadagiti kadekellan a pagadalan iti siudad ti Baguio gapu iti maatap a korapsyon. Sigun kenni Melanie Pae, sigud a clerk ti pagadalan ken maysa nga ina nga agbaybayad metlaeng iti pagadalan, dumanon iti agarup P700K ti maatap a saan a naramat iti umno a wagas.
Nagtaod ti nasao a kuwarta kadagiti parentes nga agbaybayad iti P700 .00/student tunggal school year para kadagiti proyekto ken pasayaatan dagiti estudyante iti nasao a pagadalan. Impeksa ni Pae a nadlawda idi paylaeng Setyembre idi napalabas a tawen nga adda ti saan a nasayaat a mapaspasamak no sadino dimmanon pay dagitoy iti punto a pinagsaludsudanna ti dua nga opisyal ngem awan ti maipakita ti dua nga involved a dokumento kas iti liquidation wenno inventory iti collection.
Inlawlawag ti nakauman ti Bombo Newsteam a napagtutulaganda amin a ti maremremit a kuarta ket maiderderetso iti Coop no sadino bayat a maururay ti pannakaaramid ti account ket imbilin ti presidente a ti treasurer pay laeng ti agkoleka.
Nupay kasta, manu a bulan ti napalabas, nakitana nga agshopshoping metten dagiti dua kadagiti kumkumpurmi a kagawaan a saan a dimmalan iti approval ti board. Sigun kenni Pae, amin a nasken a magatang wenno papanan ti kuarta ket kasapulan a maiyaramidan iti proposal ken saan laeng a ti presidente ti agmaymaysa nga agdesdesisyon.
Gapu iti daytoy, kinidawda nga ipakitada ti inyaman a dokumento a mangpaneknek a naaramat ti kwarta iti umno a wagas ngem awan ti maipakita dagitoy. Imbinglayna pay nga adda metlaeng iti gundaway nga inyumanna daytoy iti School Head/ Principal, Division Office, ken Social Mobilization and Networking (SOBMOB) no sadino naaddaan dagitoy iti series of meeting ngem awan latta ti napaspasamak.
Nakalukat met ti istasyon ti Bombo Radyo Baguio para iti benneg dagiti nasao nga opisyal ti pagadalan. //via Bombo Noveh Organo
