--Ads--
Insingasing ni Ombudsman Boying Remulla a masapul nga addaan iti civil service eligibility dagiti opisial ti barangay, agraman dagiti kapitan.
Daytoy ti kinuna ni Remulla kalpasan a kinuwestionaranna ti Sen. JV Ejercito seknan iti kualipikasyon dagiti barangay officials.
Sigun kenni Sen. Ejercito, saan a nabaliwan dagiti requirements iti sidong ti singasing a Senate Bill No. 2387 wenno ti pannakailaylayon ti termino dagiti opisiales ti barangay ken pannakaitantan ti 2026 BSKE.
Karaman kadagiti saan a nasukatan a requirements ti barangay official ket ti abilidad nga agbasa ken agsurat.
Kabayatanna, impagetget ni Remulla a kasapulan a mausig manen ti sistema ti barangay iti pagilian.
