Binabalaw ni Ombudsman Boying Remulla ti agdama a barangay system iti pagilian.
Sigun kenkuana, daytoy ti nanglukat iti dalan para kadagiti opisyal ti barangay a maaddaan iti bukodda a pork barrel.
Impetteng ti opisial nga amin a barangay iti pagilian ket addaan iti pork barrel, agingga iti konsehal ti SK nangruna dagiti nababaknang a siudad ken munisipyo.
Daytoy ti kinuna ni Remulla mainig iti kaudian a panangaprobar ti Senado iti gakat seknan iti pannakailaylayun ti termino dagiti opisiales ti barangay.
Naaproban daytoy iti 13 affirmative votes ken lima a negative votes.
Sigun kenni Sen. Francis “Chiz” Escudero, principal author ken sponsor ti nasao a gakat, paggep daytoy a mailaylayun ti termino ken tapno maipaayan dagiti barangay ken SK official iti kanayunan a panawen a mangimplementar iti programa.//
