Imbutaktak ti maysa a testigo manipud iti Securities and Exchange Commission (SEC) a miembro paylaeng ni Vice President Sara Duterte kadagiti Board of Directors ti Metro City Chow Foods Corporation kalpasan a nagtugaw kas bise presidente ti pagilian.
Daytoy ti inwaragawag ni SEC Company Registration and Monitoring Department Director Gerardo Fernando del Rosario kabayatan ti maikai-27 nga aldaw ti impeachment trial ni Duterte idi September 21, 2026.
Inlawlawag ni del Rosario a ti trabaho ti board of director ket addaan iti autoridad iti negosyo ken sanikua ti korporasion.
Addaan metlaeng daytoy iti responsabilidad kadagiti shareholders ken ahensya ti gobierno.
Inyunay-unay ti opisial nga iti sidong ti konstitusyon, maiparit makipartsipar iti anya man a negosyo ti presidente, bise presidente, miembro ti Gabinete ken dadduma pay.
