Inlawlawag ni retired Sandiganbayan Presiding Justice Amparo Cabotaje-Tang iti maika-24 nga aldaw ti impeachment trial ni Vice President Sara Duterte a mabalin a maikkat iti puwesto ti maysa nga impeachable officials iti kanito a mapaneknekan nga inggagarada nga ilemmeng ti sanikua dagitoy.
Nagbalin a sentro ti proceedings dagiti alegasion mainaig iti ill-gotten wealth ni Vice President Sara Duterte, partikular dagiti joint bank accounts dagitoy iti asawana a ni Atty. Maneses Carpio.
Iti interjection ni Senate President Sherwin Gatchalian, dinamagna ni Cabotaje-Tang maipapan iti saan a panagtunos ti Statement of Assets, Liabilities and Net Worth (SALN) ken ti saan a mailawlawag a kinabaknang.
Sigun kenni Cabotaje-Tang, “unacceptable” daytoy nangruna no maulit-ulit ti kamali a deklarasyon ti net worth.
Impaganetget daytoy a ti unexplained wealth ket mabalin a basaran tapno maikkat iti pwesto ti maysa nga opisial iti sidong ti Republic Act 3019 wenno Anti-Graft and Corrupt Practices Act.
