Agbalballaag ita ti lokal a gobyerno ti La Trinidad kadagiti smuggled broccoli a mannarimaan a mailaklako iti merkado publiko iti nasao a munisipyo ken iti asideg ti siudad ti Baguio.
Sigun iti impablaak ti lokal a gobyerno, impetteng ti Cordillera Broccoli Traders and Farmers Association a dagiti illegally imported a broccoli ket saan a dimmalan iti umno nga screening dagiti nasao a nateng ken posible a naexpose dagitoy kadagiti preservatives wenno chemical, banag a mangipaay iti pangta iti salun-at dagiti konsyumer.
Kagidan dayta, impetteng ti nasao a grupo nga adaddayo nga amang dagiti brocolli a naimula ditoy probinsya.
Innayonda pay nga agtultuloy nga agbalbalin a pangta iti pagbiyagan dagiti mannalon ti panangsmuggle kadagiti natnateng saan laeng nga iti probinsya ti Benguet nu di ket kadagiti amin a mannalon iti rehiyon Cordillera.
Impetteng met ti League of Associations idiay La Trinidad Vegetable Trading Post a kagiddan ti pakaseknan iti smuggled a broctultuloy a makapaspasar ti highland vegetable industry iti illegal nga iyuyuneg ti smuggled a karot iti merkado publiko.
Gapu kadagitoy, kinidawda ti natibtibker a koordinasyon kadagiti amin a maseknan nga ahensya, local government units, ken dagiti konsyumer tapno malabanan ti agtultuloy a pakaseknan iti vegetable smuggling.
Mannarimaan metten ti panakitinnulong ti lokal a gobyerno ti La Trinidad kadagiti nagduduma a farmer-traders groups kadua ti Department of Agriculture Cordillera tapno idagadag dagiti dadduma nga LGUs iti pananglaban iti illegal nga iseserek dagiti nateng.
Dumaldalan metten dagiti sample dagiti illegally imported a nateng tapno maduktalan dagiti kemikal daytoy.
Maguyguyugoy ti publiko a saanda kuma a gumatang kadagiti smuggled a nateng ken dagosda nga ireport kadagiti otoridad nu adda dagiti makitada a mailaklako nga illegally imported broccoli kaditi merkado publiko iti munisipyo. //kcs
