Agtuloy latta ti impeachment trial ni Vice President Sara Duterte la kitdi adda ti quorom ken uray no awan iti defense team.
Sigun kenni Senate President Win Gatchalian, adda iti depensa nu makipasetda wenno saan kadagiti sumarsaruno a hearing, ngem impettengna a kasapulan katta a palpasen ti impeachment court ti narugian a panagdengngeg.
Inwaragawag daytoy ni Gatchalian kasaruno iti dinakamat ni defense counsel Sheila Sison nga agbalin nga ad cautelam ti pannakipasetda mangrugi inton Setyembre 28 kayatna a sawen ti partisipasyonda ket tapno mapagtalinaed laeng iti legal rights dagitoy.
Kabayatanna, binigbig met ni Gatchalian a mabalin nga agkiddaw ti depensa iti Temporary Restraining Order wenno TRO iti Korte Suprema tapno temporaryo a maipasardeng ti trial bayat a mapagtatalantanan ti baro a voting threshold ruling.
Nupay kasta, kinunana a nakadependa daytoy iti agbalin nga aksyon ti Korte Suprema iti nasao a petisyon.
