Nakaruaren ni Mary Jane Veloso manipud iti Correctional Institution for Women idiay Mandaluyong City ita a rabii ti biernes, kalpasan a pinatgan ni President Ferdinand Marcos Jr. ti absolute pardon.
Impeksa ni Veloso ti dakkel a panagyamanna kenni President Marcos Jr. iti gundaway a naipaay kenkuana nga agsubli iti pamilya daytoy.
Pinirmaan ni President Marcos Jr. ti absolute pardon idi September 24, 2026.
Maipalagip a naipaima ni Veloso iti kustodiya ti pagilian a Pilipinas idi December 2024 kalpasan a naibalud sadiay Indonesia.
Immuna a nasentensiaan iti bitay kalpasan a nakonbiktar iti drug trafficking.
Naikeddeng a mapapatay daytoy idi 2015 babaen iti firing squad ngem naitantan iti last minute kalpasan a naarestar ti maysa a babae a maatap a nang-recruit kenkuana gapu iti kaso a human trafficking ken nainaganan ni Veloso kas prosecution witness.
