Impetteng ti Iran a saanda a luktan ti Strait of Hormuz agingga a saan a natungpal dagiti pito a kondisyon daytoy iti interim agreement dagitoy iti Estados Unidos idi Hunyo.
Sigun kenni Mohammad Baqer Qalibaf, parliament speaker ti Iran, nalawag ti pangeddeng ti Iran nga agtalinaed a nakaserra ti Strait of Hormuz agingga a matungpal amin dagiti pito a kondisyon.
Dagiti kondisyon ken pakairamanan ti pannakaisardeng ti military attacks, panangikkat ti U.S blockade iti Iranian ports, pannakaikkat ti oil sanctions ti Iran, pannakaipaay ti frozen Iranian funds, pannakaisardeng ti U.S. military attacks wenno giera kontra iti Iran, pannakaipatungpal ti napagnunumuan a nuclear arrangements, ken ti nalawag a reciprocal implementation ti June agreement.
Inyunay-unay ti Iran nga iti kanito a tungpalen amin daytoy ti Estadus Unidos, posible a luktanda manen ti Strait of Hormuz ken maisubli ti normal a panagdalyasat dagiti barko iti uneg ti pito nga aldaw.
Nangipaay ti Estadus Unidos iti sungbatda mainaig iti kiddaw ti Iran ngem dimmalan iti Qatar nga agserserbi a mangibabaet iti Iran ken America.
Impeksa ni Qalibaf a kasapulan a maawatan ti Washington a nalpasen ti panawen ti pannakapaatiddog ti negosasyon ken pannangituding ti Amerika iti kondisyon a pabor iti maysa laeng a dasig.
