Nakemmeg ti uppat nga indibidual idiay Brgy Pacdal, Baguio City alas-3:30 ti agsapa idi Oktobre October 4, 2026 kalpasan a naduktalan dagitoy nga agsusugal.
Dagiti suspek ket 31-anyos naasawaan, laborer ken residente ti Barangay Libay, Villasis, Pangasinan, 46-anyos, naasawaan, laborer ken residente ti Kias, Baguio City; 31-anyos naasawaan, laborer ken residente ti Barangay Esperanza, Sison, Pangasinan; ken 40-anyos naasawaan, laborer ken residente ti Barangay Batal, Santiago City, Isabela.
Maibasar iti report ti pulisya, nakaawatda iti impormasyon manipud iti maysa a concerned citizen seknan iti maatap a pangsugsugal iti nasao a lugar.
Dagos met a nagturong ti pulisya iti nasao a lugar tapno iverify ti impormasyon a naawatda.
Apaman a nakasangpetda iti nasao a lugar, nakitada dagiti uppat nga indibidual nga agpuspusoy.
Nagresulta met ti panagrespondeda iti pannakakumpiska ti kuwarta a dumanon iti P10,091.00 iti nagduduma a denominations a naaramat kas multa ; maysa a wooden table, wooden chair, ken dagiti inaramatda a braha.
Naiturong metten dagiti naarestar nga indibidual ken nakumpiska nga items idiay Baguio City Police Office Station 3 para iti umno a dokumentasyon.
Winetnessan met daytoy ti kapitan iti nasao a barangay.
Iti kaudian a report ti pulisya, maisagsaganan dagiti kaskenan a dokumento para iti inquest proceedings.
Sumango dagiti naarestar iti kaso a pananglabsing iti Presidential Decree 1602 wenno Illegal Gambling. //via Bombo Noveh Organo
