BAGUIO CITY – Pormal a naipablaak ti maisayangkat a Cordillera festival of festival inton October 17 iti siudad ti Baguio.
Maitandudo ditoy dagiti nagduduma a probinsya kas iti Abra, Apayao, Benguet, Ifugao, Kalinga, Mountain Province; dagiti siudad iti rehiyon a kas iti Tabuk ken Baguio City.
Sigun kenni Jovita Ganongan, DOT-CAR Regional Director, manamnama a 500 a performers ti makipaset iti aktibidad manipud kadagiti innem a probinsya ken dua a siudad iti rehiyon.
Manamnama a maiserra dagiti dadduma a paset ti national road iti siudad para iti parada ken ti posible nga isasangbay dagiti turista para iti nasao a selebrasyon.
Kabayatanna, impanamnama dagiti kameng ti pulisya ti police visibility nangruna kadagiti lugar a pagdalyasatan ti parada.
Mainaig iti dayta, nagballaag ti pulisya nga agannaad ken agtalinaed nga alerto nangruna kadagiti alikameng dagitoy.
Karaman kadagiti mapadpadaanan nga agtibidad ti Homecoming Caravan.
Pasetan daytoy dagiti 50 a balikbayan manipud kadagiti nagduduma a paset ti rehiyon a naggapu kadagiti nagduduma a paset ti lubong.
Maipaay kadagiti balikbayan ti uppat nga aldaw ken tallo a rabii nga agbisita kadagiti nagduduma a lugar iti rehiyon kas iti Baguio, Kalinga, Bontoc, ken dadduma pay.
Mangrugi daytoy inton October 17 agingga October 20, 2026.
Iti sabali a bangir, ginuyugoy ni Ganongan dagiti turista, nangruna dagiti lokal a makipaset iti nasao a selebrasyon kas panangrambak iti festival of festival iti rehion Cordillera.// via Bombo Khey Reparip
