Kinuwestionaran ni House impeachment spokesperson Ace Barbers iti panag-ulimek ni VP Sara Duterte maipanggep iti agresibo nga aramid iti China kalpasan a naipadamag a nakaawat iti kompanya ti asawa daytoy iti P319 million remittance.
Sigun pay kenni Barbers, adda iti karbengan dagiti mangngalap a Pilipino a mangkiddaw iti pammalawag, nangruna ta apektado ti pagbiaganda gapu kadagiti barko ti Tsino iti West Philippine Sea.
Impetteng ni Barbers nga ilawlawag koma dagiti opisial iti nagappuan dagiti pondo ken aramidenda iti kari da nga protektaran ti interes ken soberanya iti pagilian.
Maipalagip a sigun iti testimonya ti Anti-Money Laundering Council (AMLC) iti impeachment trial, nakaawat ti Cale88 Foods Corp., a kukua ni Atty. Mans Carpio nga asawa ni VP Sara iti remittance.
Nupay kasta, saan a mangipasimudaag daytoy nga adda dagiti iligal nga aktibidad ti nasao a kompanya.
Sigun met kenni Barbers, rumbeng a mailawlawag ti nagtaudan ti pondo ken ikalintegan dagiti opisyal ti kari da a salwadan ti interes ken soberanya ti pagilian. | via Bombo Syra Calion
