--Ads--
Inarestar dagiti otoridad ni Atty. Levito Baligod kasta metlaeng dagiti 14 nga indibudual gapu iti kaso nga unjust vexation idiay San Juan City ita laeng a malem.
Ni Atty. Baligod ti abogado dagiti nagpabigbig kas 18 a sigud a bodyguard ni Zaldy Co ken mapapati a nangideliver kadagiti maleta a naglaon iti kuwarta nga adda pakainaiganna iti naanomalyaan a flood control projects ken dadduma a government infrastructures.
Sigun iti korte, aggatad iti P10,000 ti naituding a piyansa iti tunggal indidbidual.
Iti agdama, nakabalud ni Baligod idiay San Juan City Police Station.
Impasigurado met ti kampo ni Baligod nga aramidenda amin a legal nga addang tapno sanguen dagiti nasao a kaso.
