Impeksa ni Councilor Maximo Hilario Edwin Jr, Indigenous Peoples Mandatory Representative (IPMR) iti siudad a maysa kadagiti karit a sangsangwenda ti “kina- multidiverse” iti syudad no sadinno gapu ta nagduduma dagiti tribu nga agnanaed iti syudad. Nupay kasta, kabaelan met dagitoy imanehar gapu iti kooperasyon, partisipasyon ken tulong ti tunggal maysa.
Innayun pay ni Edwin Jr. nga aktibo ti tunggal maysa a makipaset ti nagduduma a programa ken initiatiba ti LGU kasta metlaeng ti IPs.
Kabayatanna, impeksa ti konsehal a babaen iti panangselebrar ti IP month ket maipakita ti panagkaykaysa ti komunidad nu man pay adda dagiti sangsangwen dagitoy a karit.
Kinuna pay daytoy nga awan pulos ti reklamo a nakairamanan dagiti tribu kadagiti riri a napasamak iti syudad gapu ta awan ti discrimination ken inaldawanna a ‘very cooperative’ ti tunggal maysa nangruna ta iti studad ket naideklara kas “peace zone”.
Agtultuloy met ti programa ken tulong ti gobyerno para kadagiti aktibidad a maipapaay kadagiti ubbing tapnu mas mapreserbar pay dagiti kultura ken tradisyon para kadagiti ubbing.
Sigun kenni Edwin Jr, prayoridadda ita dagiti uubing tapnu makipartisiparda kadagiti amin a naduma-duma nga aktibidad
Nangipaay met daytoy iti mensahe para iti publiko no sadino inyebkasna a sapay kuma ta agtultuloy latta ti suporta ken open dagitoy iti anymaan a singasing para iti pagsayaatan ti siudad ti Baguio.
Iti sabali a bangir, kalpasan ti selebrayon ti IP month, pinagsaganaan metten dagitoy ti pannakaipatungpal ti IP GAMES inton bulan ti Disyembre kagidan iti manamnama a panaglukat ti Ibaloi Park iti isu metlaeng a bulan.
Maianig ti dayta, dumanon ti walo a baboy ti naparte para ti selebrasyon ti IP month idi kalmn October 16, idiay Baguio Convention Center.
