Naisayangkat ita nga aldaw ti umuna nga Indigenous Dance Competition idiay Malcolm Square, Baguio City.
Ti nasao nga aktibidad ket paset ti panangselebrar iti Indigenous Peoples Month ken ti komendasyon iti Indigenous Peoples’ Rights Act (IPRA).
Sigun kenni Baguio City Councilor Vladimir Cayabas, a nagserbi metlaeng kas head of judges, panggep ti nasao nga aktibidad ti panangitag-ay ken panangpreserbar iti kultura, tradisyon ken tawid dagiti Indigenous Peoples (IP).
Kabayatanna, babaen iti nasao a kompetisyon, naipaay ti gundaway kadagiti partisipante a mangipakita iti kinapintas dagiti tradisyonal a sala ken dagiti nagduduma nga ili.
Maysa metlaeng daytoy kadagiti wagas tapno mapagtalinaed ken maipasa kadagiti sumarsaruno a henerasion dagiti kultura ken tradision dagiti katutubo.
Manamnama met a babaen kadagitoy nga aktibidad, adu pay a tattao, nangruna dagiti agtutubo, ti maaddaan iti pannakaammo ken panangipateg iti kultura ken pakabigbigan dagiti Indigenous Peoples. //via Bombo Khey Reparip
