Naipatungpal ti kaunaan a Gong Festival idiay Dixon Place, New York USA ita a bulan ti Oktobre kas selebrasyon met laeng ti Filipino American History Month ken People’s Indigenous month.
Ti nasao a selebrasyon ket inorganisa ti Cordillera Cultural Ensemble (CCE) , maysa nga grupo weno ensemble idiay NewYork, USA a bukbuklen dagiti Cordillerans nga agnanaed ken agtatrabaho sadiay.
Karaman kadagitoy ti Taraki Family a da MJ, Rex & Jasmine Payos manipud ti probinsya ti Benguet, Gerry Dupingay manipud Ifugao, Frenzel & Janet Yapyapan manipud Mt. Province & Benguet, Joyce Laoagan 3/4 Benguet 1/4 Mt. Province, Gertrude Albin-Ariola manipud Benguet, Lourdes Meztisa ti Apayao, Will Simbol and Bona Stella Rivera half Benguet-Mt. Province.
Panggep ti nasao nga aktibidad a pagtitiponen amin a Cordillerans kasta metten dagiti nagduduma nga Igorot organizations kasta metten dagiti dadduma nga Indigenous group minorities iti nagduduma a lugar idiay Estados Unidos tapno maparegta ti komunidad dagiti taga-Cordillera iti nasao a pagilian.
Malaksid iti dayta, panggep daytoy nga ipakita ken ipresenta kadagiti komudidad ti Estados Unidos dagiti kultura ti Cordillera babaen iti panangipresentada kadagiti tradisyonal a kankanta ken salsala.
Tampok metlaeng iti nasao a pestibidad ti gong workshop no sadino naipresenta ken naisuro no kasano nga ay-ayamen ken patugtogen dagiti gangsa iti nagduduma a probinsya kas iti Benguet, Ifugao ken Mt. Province. Nagserbi met kas guest iti nasao nga aktibidad ni Miss Global Philippines 2026 Valerie Pawid West manipud Ifugao a nagkanta iti original song na Heart of Ifugao kasta metten a pinasetan daytoy ni Miss Little Miss Northern Luzon 2023 Bona Estella.
