Impeksa ni President Ferdinand Marcos Jr. a saan nga agpanic iti panagkapsot ti piso kontra iti dolyar.
Maibasar iti kaudian nga exchange rate, dumanun iti ₱64.18 ti gatad ti tunggal dolyar.
Sigun kenni President Marcos Jr., aramiden amin ti gobierno ti kabaelanna tapno maprotektaran ti gatad ti piso.
Innayon daytoy nga agtaltalinaed a napigsa ti dolyar a reserba ti pagilian.
Karaman kadagiti rason iti panagbaba ti gatad ti piso ti nangina ti presyo ti petrolyo nga ituntunda ti krisis sadiay Middle East.
Kabayatanna, inkari ti presidente a masolusyonan ti ngumatngato a presio ti taraon babaen iti panangsigurado iti umdas a suplay.
Sigun iti maysa nga ekonomista, ti nakapuy a piso ket posible a mangitunda iti nangato a gastos iti panagangkat iti petrolyo ken palawaena ti trade deficit ti pagilian.
