Naglusulos iti puwesto ni Paraguayan President Santiago Peña idi Huebes, kasaruno ti krisis iti Ueno Bank no sadino minil-milyon a kliyente ti saan a maka-access iti kuarta dagitoy.
Nagrugi metlaeng ti impeachment proceedings kontra iti Paraguayan President kalpasan a nagipila iti reklamo dagiti 35 a mammanday linteg manipud iti oposisyon ken sumagmamano a miembro ti partido daytoy.
Karaman kadagiti alegasion ti neglection of duty ken dadduma pay.
Adda itan iti Kongreso ti desisyon no awaten wenno ilaksidda ti panag-resign ni Peña a nagtugaw kas presidente idi Agosto 2023.
Kabayatanna, manamnama a sukatan daytoy ni Vice President Pedro Alliana kas presidente ti pagilian a Paraguay.
Maipalagip a bimmisita iti Pilipinas ni Peña idi Mayo 11 agingga 12, 2026 no sadino, nagpagsaritanda kenni President Ferdinand Marcos Jr. ti pannakapalawa ti kooperasyon ti Pilipinas ken Paraguay seknan iti trade, investment, agriculture, ken food security.//
