Inwaragawag ti Department of Budget and Management (DBM) ti aggidan a panangawat dagiti empleyado ti gobyerno iti Year-end bonus ken P5K Cash Gift iti ngudo ti agdama a tawen kagidan iti panangawatda iti umuna a sweldo da ita a Nobyembre.
Saklaw metlaeng ti nasao a benepisyo amin a regular,contractual wenno adda iti casual a posisyon iti amin a national ken local government offices iti pagilian.
Nainget met a pinalagipan ti DBM amin nga ahensya ti gobyerno a sumurotda iti naituding nga iskedyul iti panangiruwar kadagiti benepisyo dagiti empleyado da.
Kinumpirmar metlaeng ti nasao nga ahensya nga inparuar dagitoyen ti agarup P82.9 Billion a pondo para iti Year-End Benefits dagiti kuwalipikao a sibilyan, militar, ken uniformed personnel.
Sigun kenni Budget Secretary Kim Robert de Leon, naipaayen ti nasao a pondo kadagiti ahensya ken imbilinna kadagitoy a saanda nga itantantan ti panangipaay kadagiti benepisyo kadua iti umuna a sueldo dagiti empleyado ita a bulan ti Nobyembre.
Iti pakabuklan, nailatan ti agarup P73.4 Billion para iti Year-End Bonuses bayat nga agarup P9.5 Billion met ti naipaay para iti Cash Gifts.
Tapno agbalin a kuwalipikado ti maysa nga empleyado kadagiti nadakamat a benepisyo, kasapulan a nakapagserbi daytoy iti saan a bumaba iti uppat a bulan wenno 120 nga aldaw manipud Enero 1 agingag Oktobre 31, 2026.
