Nangilatang ti Department of Budget and Management (DBM) iti P82.9 Billion para iti year-end bonus ken cash gift dagiti kualipikado nge empleyado ti gobierno.
Makaawat ti tunggal kualipikado nga empleyado iti bonus a katukad ti maysa a bulan a basice salary ken P5,000 a cash gift.
Sigun iti DBM, dumanon iti P73.449 Billion ti nailatang para iti bonus bayat a P9.549 Billion met iti cash gift.
Inlawlawag ni DBM Secretary Kim Robert C. De Leon a naipaay itan ti pondo kadagiti ahensiya ken rumbeng a maawat dagiti empleyado ti gobierno sakbay ti umuna a sweldo dagitoy ita a bulan.
Kualipikado ditoy dagiti empleyado a nagtrabaho iti saan a bumaba iti uppat a bulan wenno 120 nga aldaw manipud iti Enero 1 agingga Oktubre 31, 2026 iti national wenno local a gobierno.
