Itultuloy ti Baguio City Police Office (BCPO) ti kampanya dagitoy iti pannakawaras ken pannakaaramat dagiti loose firearms wenno armas a saan a rehistrado iti otoridad.
Daytoy ket paset ti agtultuloy a programa ti Philippine National Police (PNP) a manglapped kadagiti krimen seknan iti panagaramat kadagiti armas.
Babaen iti daytoy a kampanya, panggep ti pulisya a mapabassit ti bilang dagiti armas a saan a rehistraro ken mabalin a maaramat kadagiti ilegal nga aktibidad.
Maipalagip nga itay nabiit, sumagmamano nga indibidwal a nangisurrender kadagiti armasda iti otoridad kas paset ti panangsuporta iti kampanya kontra loose firearms.
Ti boluntaryo a panangisuko kadagiti saan a rehistrado nga armas ket maysa kadagiti wagas tapno maliklikan ti saan a maiparbeng a pannakausar dagitoy.
Guyguyuguyen ti BCPO dagiti indibidwal nga addaan kadagiti loose firearms a makikoordinar iti kapulisan ken isuko dagitoy babaen kadagiti umno a proseso.
Impalagip met dagiti otoridad a ti panangisurreder kadagiti armas nga awanan iti umno a dokumento ket mabalin a mangpataud iti problema iti sidong ti linteg.
Nupay kasta, napateg a maawatan ti publiko a ti panangtaginayon kadagiti armas ket addaan kadagiti pagannurotan a masapul a tungpalen.
Makaipaay met ti kampanya ti BCPO iti panangpabileg iti seguridad ken talna kadagiti komunidad iti siudad.
Kabayatanna, nagpalagip ti pulisya iti publiko a makipagtinnulong babaen iti panangipakaammo kadagiti autoridad iti saan a maiparbeng a pannaniggem wenno pannakaaramat dagiti armas.
Bayat ti panagtultuloy daytoy nga inisyatiba, namnamaen ti pulisya ti ad-adda a kooperasyon ti publiko tapno mapabassit ti peggad dagiti krimen babaen iti panagaramat kadagiti armas ken mapagtalinaed ti natalged a komunidad.//Bombo Khey Reparip
