--Ads--
Inwaragawag ni House Deputy Speaker Janette Garin a nasapa paylaeng tapno mapagsaritaan no sino ti sumukat kenni Vice President Sara Duterte agsipudta agtultuloy paylaeng ti impeachment trial daytoy.
Sigun kenni Garin, nakapende kadagiti senator-judges ti agbalin a desisyon ken no masungbatan ti kampo ni Duterte dagiti alegasyon.
Immuna a kinuna ti Malacañang nga awan paylaeng ti napagsasaritan a sumukat iti Bise Presidente.
Kabayatanna, inyebkas ti sumagmamano a senador nga agkedkedda nga awaten ti posisypn iti kanito a makonbiktar ni Duterte.
Iti sidong ti Konstitusyon, ti Presidente ti manginominar iti baro a Bise Presidente ken masapul nga aprobaran dagiti kaaduan iti Senado ken ti Kamara.//
