--Ads--
Inyaplikar ti pagilian nga Iran ti rotational brownout iti entiro a pagilian nangrugi idi kalman, Nobyembre 22 kasaruno iti nailista a dadael kadagiti kangrunaan nga imprastraktura ti kuryente ti nasao a pagilian gapu iti agtultuloy a tensyon sadiay.
Sigun iti national electricity company ti Iran, napilitan ti nasao nga ahensya a limitaran ti panagkonsumoda iti kuryente gapu iti nababa a suplay iti lana iti nasao a pagilian.
Nupay mabigbigbig ti Iran kas maysa kadagiti pagilian nga addaan iti naan-annay a suplay ti lana ken natural gas, agtultuloy ti parikut ti pagilian maipapan iti panangsolbar iti kinakurang ti kuryente ken enerhiya.











